لأصحاب البزنس والفاوندرز في الكويت: 3 أيام × 3 ساعات، تبني فيها بإيدك نفس ملف الاستراتيجية اللي الاستوديوهات تبيعها لك بآلاف الدنانير وشهور انتظار، على براندك أنت، ومعاك المصمم اللي بنى هويات تعرفها وتثق فيها. بدون خبرة تصميم. بدون برامج. بدون حشو.
أغلب أصحاب البزنس والمصممين يحسبون البراند مصروف تجميلي. لكن الواقع؟ إن البراند الضعيف يكلفك فلوس كل يوم، تدفعها بخصومات، بإعلانات ما تثبت في الذاكرة، وبزباين يختارون غيرك وهم ما يدرون ليش.
دفعت على شعار… وبعد شهر حسّيت إنه «مو هو»، لأن ما فيه استراتيجية تحته.
زبونك يقارنك بالسعر بس، لأنه ما شاف فرق ثاني يقارن فيه.
كل مصمم يعطيك اتجاه مختلف لأن محد عنده الملف اللي يحسم الأمور ويوضح توجه العلامة.
تصرف على إعلانات لبراند ما يثبت في الذاكرة، فلوس تنحرق كل شهر.
منافس أضعف منك ياخذ عملاءك، بس لأن شكله أوضح منك.
براندك يشبه الكل والزبون ما يحفظ اللي يشبه الكل.
خلال 3 أيام، ما راح تطلع بس بأفكار.
راح تطلع بـقرارات واضحة، مخرجات جاهزة، واتجاه تعرف تبني عليه براندك.
هويات بنيتها لبراندات تعرفها وتثق فيها. شنو يعني هذا لك؟ إن الطريقة اللي بتتعلّمها مجرّبة في السوق الحقيقي، مو نظرية من كتاب، ومو محتوى يوتيوب معاد. نفس الخطوات اللي بنيت فيها هذي البراندات، بتمشي عليها أنت على براندك.
الطريقة اللي وراها، هي اللي بتتعلّمها.
الشعار جزء صغير من البراند. البراند الحقيقي هو الاستراتيجية اللي تحته. ليش موجود؟ وحق منو؟ وشنو اللي يخليه مختلف عن منافسينه؟ هذا اللي راح نبنيه معاك، طبقة طبقة، في 3 أيام.
البحث والـ positioning. وين متموقع براندك؟ وحق منو؟ وشنو اللي يميزه عن المنافسين. الأساس اللي يقوم عليه كل شي.
الفكرة الأساسية والاتجاه البصري اللي يترجم استراتيجيتك لإحساس ومعنى، قبل أي شكل أو لون.
منطق التايبوغرافي والألوان، والسكتش، تطلع باتجاه هوية جاهز للتنفيذ تسلّمه لأي مصمم أو تبنيه بنفسك.
الاستوديوهات الكبيرة، أمثال Pentagram وInterbrand، ما تبدأ بالشعار. تمشي على خريطة من 6 مراحل، وتتقاضى عليها بعشرات الآلاف. هذه نفس الخريطة اللي بنمشي عليها مع بعض، مرحلة مرحلة، بس هني أنت اللي تبني:
هذا مو المحتوى، هذه عناوين بس. التفاصيل، والقوالب، والتطبيق بيكون على براندك أنت: داخل القاعة.
هذه مو ورشة «معلومات» تنساها بعد أسبوع. كل ساعة من التسع لها مخرَج تلمسه بيدك، وكل مخرَج مبني على بزنسك أنت. مو أمثلة عامة.
بحث Primary + Secondary: سوقك، عميلك، ومنافسينك، الأساس اللي تبني عليه القرارات.
الـ positioning: وين واقف براندك، وحق منو، وشنو يفرقه عن المنافسين؟
الفكرة الكبيرة اللي يقوم عليها براندك، المعنى قبل الشكل.
ترجمة المفهوم لشكل، سكتشات واتجاه بصري تبني عليه هويتك.
أي خط يناسب براندك، وليش؟ وشنو يحس فيه عميلك؟
شلون تختار ألوان براندك بمنطق، الإحساس اللي توصله. مو ذوق عشوائي.
ملف اتجاه الهوية الكامل، جاهز إنك تنفّذه بنفسك أو تسلّمه لمصمم.
لحضور الورشة فقط، أولوية تقديم على الكوهورت القادمة.
تطلع وبيدك اتجاه براندك، جاهز للتنفيذ، مو مجرد أفكار.
كل جلسة فيها لحظة LIVE BUILD، تبني، ما تطالع بس. تطلع وكل طبقة من مشروعك جاهزة بيدك.
مكثّف عن قصد. 3 ساعات في اليوم، بدون حشو. تطلع وأنت بنيت اتجاه براندك، مو وأنت تعبان.
«اللي تبنيه في 3 أيام هو اتجاهك الكامل. وفيه نسخة أعمق للي يبي يتخصص أكثر.»
في آخر الورشة، تعرّف على The Strategic Designer · Cohort III كخطوتك الجاية، بأولوية تقديم لحضور الورشة.
نقولها بصراحة عشان الناس الصح يلتزمون، والناس الغلط يوفّرون فلوسهم ووقتهم.
مصمم جرافيكي حاصل على درجة البكالوريوس في التصميم الجرافيكي من الجامعة الأمريكية في الكويت، وحاصل على شهادة Adobe Certified Professional in Visual Design. مصمم حائز على جوائز، ودرّب أكثر من +935 شخص في مجالات التصميم والتفكير الإبداعي.
يؤمن مساعد أن التصميم الحقيقي ما يبدأ من الشعار، بل من فهم البراند، جمهوره، رسالته، والمكانة اللي يبي يبنيها في السوق. يركّز في طرحه على أن الهوية البصرية مو مجرد ألوان وخطوط، بل أداة تخلي البراند أوضح، أقوى، وأسهل في التذكّر والاختيار.
«مو بس مصمم يعرف البرامج، مصمم يعرف شلون يُبنى البراند من الاستراتيجية للهوية.»
مساعد أستاذ فاهم ومتمكن، وطريقة شرحه جداً سهلة وواضحة، تحس كأنك قاعد مع صديق وأخ يشرح لك، مو بس أستاذ. تقدر تتواصل معاه بأي وقت، وما يحسسك أبداً إن في حاجز بينكم. بالبداية كنت أعتقد إن التصميم بس برامج وخلاص، بس من بعد ما دخلت مع مساعد، فهمت إن المجال أعمق بمراحل. خلاني أتعمق بكل أبواب التصميم، وفعلاً ما ندمت لحظة إني اخترت هالتخصص الجميل
مساعد كمدرب متعاون جدًا وما قصر معاي من ناحية أسئلتي واستفساراتي، خبرته ممتدة في مجال التصميم وأعماله مميزة.. هو من الأشخاص اللي تتناقش معاه ويكون النقاش مليء بالفائدة والإلهام وشخص داعم لغيره وما يبخل في مشاركة معلومة. شخص يشتغل على نفسه وملم بالتطورات والتغييرات في مجاله وشغله احترافي ومتمكن، وبصراحة من الناس اللي تستمتع في العمل معاه ولي الشرف في معرفته
كنت ضمن فريق كرييتف زون، وقبل الانضمام رسمياً، في فترة تجريبية ناخذ دروس من مساعد صاحب هذا المجتمع لان باجر بنصير في الواجهة وحقيقةً ما كنت متأكدة إني بطلع بمعارف يديدة، إلا إن الخبرات اللي شاركنا إياها مساعد كانت استثنائية وطريقة أكاديمية احترافية من تطبيقات ومشاريع تُطلب منا وطريقة تقديم المشروع النهائي، وإلى يومنا هذا أرجع للتقنيات اللي علمني إياها. أستاذ مساعد مش مجرد مصمم، بل مصمم شغوف بالتعليم وسبحان الله له من اسمه نصيب
مساعد الاخ قبل الصديق جمعني فيه الشغف المشترك في مجال الإبداع الفني والتصميم خصوصا من ما يقارب العقد من الزمن، شهادتي للتاريخ انه اخوي مساعد اذا أعطاك المعلومة أوفى لك في شرحها وزاد فوقها معلومة وزاد تعلقك في المجال، تعمقنا في مجال التصميم معا في عدة مشاريع واعمال واخوي مساعد أجاد فيه وتجود، وأرى انه اي شخص رح يتعلم منه نتاج جهد جهيد وتعليم سليم وخبرة ممتدة ممتعة
Musaed was my student at the American University of Kuwait in Typography and Arab Design History. He's creative, dedicated, and consistently stood out among his peers. He's collaborative, reliable, and presents both himself and his work with excellence.
مساعد، الأخ والصديق والأستاذ، إنسان فاهم المجال عدل، أسلوبه بالتعامل والشرح ما ينوصف، وكان من أهم الأسباب اللي خلتني أدخل عالم الجرافيك ديزاين وأكمل فيه، بالبداية كنت أظن إن التصميم بس تحط صور على بعض وخلاص، لكن يوم شرح لي مساعد شنو يعني جرافيك ديزاين، اكتشفت إن الموضوع أعمق بوايد، ومن يوم بدايتي في 2019 إلى اليوم، ما ندمت ولا لحظة إني تعلمت عنده
مساعد اخويه وصديق رحلتي، بكان أحد الأسباب وأبرزها اللي قوه منظوري للمجال الفني. بسببه الآن انا فاهم ان أي مجال فني ما يرتبط فقط فكيف تستخدم برنامج معين، بل هي مفاهيم وطريقة تفكير، تطبقها بحياتك أو حتى مجال مختلف. مثل ما انا طبقتها في مجال تطوير الألعاب
أنا ما أبيعلك حضور، أبيعلك نتيجة: ملف اتجاه براندك، كامل، جاهز للتنفيذ. وعشان جذي الضمان إن النتيجة نفسها ما لها مهرب: إذا خلصنا الأيام الثلاثة وملفك مو جاهز، أقعد معاك أنا وأنت بعد آخر جلسة، لين تخلص. مهما طوّلت. بدون فلس زيادة. أنت تجيب براندك وجديتك، وأنا أضمن إنك ما تطلع بإيد فاضية. الخطر عليّ، مو عليك.
تبي استراتيجية براندك تكون مبنية صح؟ عندك طريقين تقدر توصل من خلالهم. قارن بنفسك:
الاستوديو يبيعلك السمكة بآلاف.
الورشة تعلّمك الصيد، وتطلع بالسمكة بعد.
أنت مو داخل «ورشة»، أنت طالع بـنظام كامل: الملف + الطريقة + الدعم بعد الورشة. لو رحت تجمع نفس المخرجات من السوق، هذي فاتورتها:
لا أبداً. الورشة لأصحاب البزنس والفاوندرز، مو للمصممين بس. أنا أعلّمك طريقة التفكير والاستراتيجية، وأنت تبني اتجاه براندك معاي خطوة خطوة.
لا. مو ورشة برامج. نركّز على الاستراتيجية والتفكير والاتجاه. تطلع باتجاه هوية جاهز تسلّمه لأي مصمم ينفّذه، أو تنفّذه بنفسك لاحقاً.
اتجاه استراتيجي كامل لبراندك: positioning، مفهوم، منطق تايبوغرافي وألوان، سكتشات، وdirection brief جاهز للتنفيذ. تطلع عارف بالضبط شنو هو براندك وليش.
تطلع باتجاه كامل جاهز للتنفيذ، استراتيجية، مفهوم، وbrief واضح. التنفيذ النهائي (الملفات الجاهزة) تسويه بنفسك أو تسلّمه لأي مصمم، والاتجاه بيكون واضح إنه يقدر يشتغل عليه أي أحد.
تقدر، وهذا شغلي أصلاً وأعرف قيمته. بس احسبها: استوديو محترم بياخذ 1,500–5,000+ دينار، وتنتظر 6–12 أسبوع، وتستلم ملف ما تعرف شلون انبنى، وأي تعديل بعدين بفاتورة جديدة. هني تدفع 95، وتطلع بنفس الملف بعد 3 أيام، والأهم: الطريقة تصير ملكك. أي مشروع ياي، أي تعديل، ما ترجع تدفع من الصفر.
إذا عندك فكرة واضحة ونية جدية تطلقها، هذا أفضل وقت تدخل فيه. تبني براندك صح من قبل ما تصرف دينار واحد على تصميم غلط. وإذا مشروعك قائم من سنين؟ بتصلح اللي انبنى على ذوق بدون استراتيجية، وبتعرف بالضبط شنو تخلي وشنو تغيّر.
في قاعة فندق Courtyard by Marriott، مدينة الكويت. القاعة والمواد والضيافة كلها مشمولة في سعر مقعدك، أنت بس تجيب براندك وجديتك.
إي، بالعربي (لهجة كويتية)، مع المصطلحات التقنية بالإنجليزي مثل ما هي معروفة.
الأيام مترابطة، كل يوم يبني على اللي قبله. الحضور الكامل ضروري عشان تطلع باتجاه كامل. لو عندك ظرف، كلّمني قبل.
مقعدك قابل للتحويل لأي شخص بأي وقت. والاسترجاع متاح لين 7 أيام قبل الورشة. وإذا قرّبت أقل من 7 أيام، يتحوّل لرصيد تستخدمه في Cohort III أو ورشة جاية.
الأولى: براندها واضح، يفرق عن كل منافسينها، وعندها ملف يحسم كل قرار تصميم ياي. الثانية: نفس مكانها اليوم، تنافس على السعر، وتدفع ثمن الغموض كل شهر. الفرق بين الثنتين؟ 3 أيام. 26-27-28 يوليو · فندق كورتيارد ماريوت، مدينة الكويت · 20 مقعد، والتسجيل المبكر (أول 12) يحجزون أول.